Kunal Chopra- 5th April, 2012- She is safe now
Doctor ne mujhe turant bulaya hai, kya hua hoga.
Us ek hi pal mein man mein na jane kitne hi khayal aa gaye
Kya sab thik hoga, ya Siddhi bhi Maa ki tarah
Agar aisa hua to main kaise jee sakonga
Aur kabhi lagta, jaise kuch sochne samjhne ki taqat hi nahi hai
She is safe now- Kya isse jyada mithe shabd ho sakte hai
Ek pal ke liye yakeen nahi hua,
Kya waqai Siddhi ab khatre se bahar hai
Achanak takdir itni meherbaan ho chali hai,
Kiska shukriya ada karoon mein
Shayad maa ki duaon ka hi yeh natija hai
Ya jaroor maine kuch acha kiya hoga, tabhi to itni khushiya mili hai
Ek pal ke liye laga, doctor se fir se puchoon, aapne abhi abhi kya kaha?
Waqai Siddhi ab thik hai? Koi khatra nahi
Aap usse mil sakte hai, kyonki unhe jab hosh aya to unhonone pehle aapka naam liya
Shayad, woh bhi yeh jaanti hai, ki main bhi usse dekhna, usse baatein karna aur uski baatein sunna chahta hoon
Ki mere liye bhi sabse pehle woh hai, maa, anand aur khud Kunal ke pehle woh hai
Is ek saal mein itni mushkilon ka samna kiya hai
Ki ab jab khushiya mili hai to samajh hi nahi aa raha kya karoon
Apni takdeer ka shukriya karoon, ki mujhe fir se khush hone ka mauka mila
Ya apni hi takdeer par rashk karoon, jisne mujhe fir se jeene ka mauka diya
Apni khushkismati par muskuraon?
Yeh aanson bhi ajeeb hote hai na,
khushi ho ya gum, aankhein chal chala hi jati hai
Dukh mein yeh dard kuch kam kar deti hai
Aur khushi mein muskaan ko aur badha deti hai
Mere kadam Khud ba khuduski taraf badh gaye
Un chand palon mein yahi soch raha tha,
tumse kya kahonga
kaise kahonga
kuch keh bhi paonga kya
kya yeh shabd tumse keh payenge ki pichle 48 hours mein mujh par kya beete hai
kaise ek ek pal maine darte darte roshni ki ek halki se kiran ka haath tham kar kata hai
kaise in pichle kuch ghanto mein maine hamari zindagi ka ab tak ka safar kai baar fir se jeeya hai
aur yahi dua ki hai, ek agar ab mauka mile, to main tumhe har woh khushi donga jo tumne mujhe di hai
Kya main shabdon mein tumhe keh paonga ki kal tak tumhe yahan yu maut se ladte dekh kar, khud ko kitna asahay aur kamjor maine pehle kabhi nahi paya
Ki tumhare bina kitna akela pad gaya tha, na koi gum baateine wala aur na koi khushi baateine wala
Kya yeh shabd tumse keh payenge ki tumhe fir se thik dekh kar mujhe kitni khushi mili hai, kitna sukoon mila hai
Kya yeh shabd kuch keh payenge?
Kya main tumse kuch bhi keh paonga
Inhi khayalon ke saath maine tumahre kamre ka darwaza khola to dekha
itni takleef mein bhi, us hospital ke bed par, mask ki piche se bhi
tumhari aankhein mera intezaar kar rahee the
Kuch kehna to chahta tha, magar fir laga yeh shabd to jaise bemani hai
Tum sab samjh gaye hogi,
Shabdon ka sahara lene ki jaroorat nahi hai
Ya fir shayad meri aankhon ne tumhe sab keh diya tha
Mera woh dard, paanch salon se zindagi se akele jhujhne ka dard
Itni badi duniya mein akele rehne ka dard
Tumhe kho dene ka dard
Aur tumhe fir se pa lene ki khushi
Jo baatein meri aankhein tumse na keh saki woh us khamoshi ne keh diya tha
Kunal/Siddhi 's joint diary- (Just for fun)
aap ko yahi laga hogi hum khamosh hai, ek doosre se kuch keh nahi rahe hai
magar shayad hum ne bahut kuch ek doosre se keh bhi diya tha aur sun bhi liya tha
aap shayad nahi samajh sakte kyon ki yeh baatein
sirf hum dono ki sunne aur bolne ke liye thi !!!
I hope it did some amount of justice to the beautiful scene, I have rarely seen a quite/silent scene in movies/serials..
No comments:
Post a Comment