Kunal's diary - Hamare khwabon ko churakar inhe muskurata hua dekhe
Hum logon ki kadar tab karte hai jab woh hamari zindagi se door chale jate hai
Yeh baat maine ab jake sikhi -
I think this is more a repeat of Friday's episode (23rd March), where I had written the analogy of saansein.
Tujhe paa kar kho hi diya tha
Ab kho kar fir paya hai to fir khona nahi hai
Ab jab yeh ehsaas ho gaya hai ki Siddhi meri zindagi mein kya mayane rakhti hai, to aage chal kar yahi koshish rahegi ki woh meri zindagi se alag na ho.
Shuru mein to laga tha, ki Siddhi jald hi mil jayegi
Magar ab waqt bittata jaa raha hai
Aur dheere dheere man kamzor padta jaa raha hai
Aisa hi lag raha tha jaise koi apna hospital mein bharti ho aur aap siway use santwana dene ke kuch nahi kar sakte (hasptal= hindi sounds too wierd, so the switch to hospital)
Kehne ke liye to insaan sab kuch kar sakte hai, magar shayad kabhi kabhi uske haath mein kuch hota hi nahi hai
Aur jab insaan majboor ho jata hai to use kuch khone ka dar satane lagta hai
Kabhi apne sapno ke bikharne ka dar
to kabhi kisi apne se door jane ka dar
aur kabhi akele reh jane ka dar
Rishtey insaan ko kahi na kahi kamzor bana hi dete hai
Aur haalat bebas
Jaise, koi aapko madad ke liye pukar raha ho, magar aapke haath bandhe ho
Aaj utna hi bebas paye hai apne aap ko
(I can't thank my family enough for being there with me- especially my dad, he cant understand me completely, but I know he will always be there for me, sometimes as a listener, sometimes as a guide)
Yeh raat kafi lambi lag rahe thi, jaise iski subah hi nahi hogi
Agar pehle se pata hota ki itne ache khwab se subah shuru hogi to shayad jald hi so jata
aahista aahista koi hume inka hota hua dekha
aur hamari neendein udakar inhe chain se sota hua dekhe
aahista aahista koi hume inke rang mein dhalta hua dekhe
aur hamare khwabon ko churakar inhe muskurata hua dekhe
Jab se Siddhi ko shayari kehte suna tha, man mein ek khwahish thi, ki woh mujhse aise hi shayarana andaz mein baat kare
Apne man ki baat to har koi kehta hai, aur waise dekha jaye to shabd to shabd hi hai
Magar ek shayar ka andaaze bayan kuch aur hi hota hai
Ek hi lafz ke kai mayane hote hai
Kai baar baat kuch nahi hoti aur kai baar kuch na keh kar bhi sab kuch bayan kar dete hai
Aahista aahista jaise dabe paon bina ke kisi ke jaane,
kisi ne man mein ghar kar liya tha aur aankhon mein naye khwab saja diye the
aur jin aankhon mein khwab ho unmein neend kaha !
Bachpan mein suna tha, ki subah subah ke dekhe sapne sach hote hai
Shayad mera sapna bhi sach ho jaye
Aur koi bahut bada khwab bhi to nahi dekha tha
Ek mamooli se insaan ka ek aam sa khwab tha
Khushi ke kuch lamhe
Kisi ki muskaan se subah ki shuruaat
PS: Did I say, I just loved the jor ka jhatka that Rohit got, yeh to sirf peshgi (Advance jhapad) tha aage aage dekhiye kya hoga !!!
No comments:
Post a Comment